يكفيني منك

يكفيني منك .. كـــل لحظـــه عشتهــا ليلٍ معــــي
ويكفيني من حظي (جِميله) يوم جمعّني معــــــك

يااللي خذاك الوقـت مني .. هذا أنا وذا مدمعــــي
من يــوم ودعنا بعـض ... شفت الحزن في مدمعـك

شفت الحزن يلمع بهــا وانت تهمس في مسمعي
"ياروح روحي..أضحكــي.. مابي الفراق يوجّعـــك"

"انتي بـــهالــدنيــا ولا غيــــرك يمثــل مطمعــي"
وانما وسعك الوقت فيني مايزيد ويوسعــــــــك"

"تبقين في ذاتــــي ولو حكم القدر (ما ترجعـــي)"
"وأبقــى (أحبــك).. ليــن ما عـفو الظروف يرجعّـك"

آخر كلامٍ من شفاك.. وجد ســـــــاكنّي معـــــــــي
يكفيني منك كل لحظــه .. و(حظ)... جمعني معــك